Sa saliw ng lawiswis kawayan

Ilang libong taon na rin ang ginugol ko sa paghabi ng mga tulang iyon. Ilang milya na rin ang nilakbay kasama ka doon sa malapad at walang katapusang dahon ng panahon. Ano nga ba’t patuloy pa ring nag-aabang ng kislap sa siwang ng mga dahong animo’y tinakasan ng lakas. Ano nga ba’t patuloy pa rin ang pagdanak ng dugong kahit kelan ma’y hindi tumulo. Hindi nahulog. Hindi napahid. Hindi kumayat. Hindi umagos.

Anong lugar ang dapat kong puntahan. Upang sabayan ang mga kuliglig sa dakong tahimik. Upang habulin ang mga agila sa dakong masagana. Ilang sigaw ang kailangan kong pakawalan upang nang sa ganoon ay lumipad din ang bantayog ng aking pag-asa. San ka tutungo? Ako, may bukas din bang aakayin ng kahapon na sana’y hindi na lumipas. Ano’t nanikluhod sa sariling kaalaman. Ano’t nahalina sa mga dahong luntian. Saan may bunga ng paghilom nitong damdaming naumid ng sanlaksang sibat na sana’y para sa iyo. Bakit sinalo? Bakit bumaon sa kaibuturan ng pusong walang hinangad kundi ang ikaw ay makitang maligaya. Bakit pinaglaruan? Bakit iniwan?

May himig ang lawiswis kawayan. Himig na tulad ng sa adarnang bakit hindi matagpuan. Himig na kahit na sa luha’y hindi makamtan. Himig na darating ngunit hindi alam kung kailan. Himig ng tuwa. Himig ng panibagong sigla. Ngunit nasaan?

May musika akong nais tugtugin. May awit na nais bigyang-pansin. May mensaheng sana’y nakaabot sa mapurol mong pagiisip na dili iba’t dulot ng makamundong pagnanasa sa kasalukuyan. At ang aking sigaw na sana’y nadinig hanggang sa kaitaastaasan ng mga busilak na ulap na nangahihimlay sa sampung langit. Sa saliw ng lawiswis kawayan. May musika. May tanawin. May tugtuging makabago ngunit sana’y nabigyan ng pagkakataong awitin habang ikaw ay himbing na natutulog at nakalimot sa mundong ating pinagsaluhan.

Sa saliw ng lawiswis kawayan ay kaya kong sayawin ang himig ng iyong kagandahan. Kagandahang bumihag at nag-alay ng wagas na pagibig na tulad ng sa iyo. Sa akin. Sa kanila. Sa inyo.

May paglayang hinihintay ang bagwis na itong pilit ginagapos ng karimlan. Pilit ikinukulong sa lamig ng hanging amihan… Pilit tinutukso sa saliw…

…ng lawiswis kawayan.

2 thoughts on “Sa saliw ng lawiswis kawayan

  1. lawiswis? ano yon???hahah! pero sobra gnda tlga ng mga pinopost mo. super fan mo na akoh! naloloka tlga ako ever! sino kb? you’re so interesting! e-mail me nga…hahah!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s